Pantun Aceh: Bangga Ngon Maksiet (Bangga Dengan Maksiat)

Nanggroe Aceh - Tapeulara guda lam weu ta ikat...

Naleung tapeusapat laju tasedia...

Geutanyoe bangga tapubuet maksiat...

Hana ta ingat nyan larangan agama...

Abeh tacelitra nibak sahabat...

Bangga teuh that that tapubuet zina...

Hana takira aeb meukumat...

Rata jeut teumpat tanyoe ditanda...
Oh watee tapeugah sang diek pangkat...

Digob lom dikarat tanyeng peu yang na...

Seunang meulumpah dinan keuh nikmat...

Lagee surah kitab bak peugah haba...

Peuloem na jak jj oh uroe aleuhat...

Atawa malam jumat meurumpok ba ba...

Nyan seunang that hate di apa kaplat...

Tiep tiep jeut saat geupamer saja...

Nibak cerita keung keung meujungkat...

Sang hana mangat nye golom bi haba...

Trok bak di wawa atau dimat mat...

Mandum geukarat cukop that bangga...

Hana takira nyan saboh laknat...

Nyan keuh alamat peu malee keluarga...

Bak pubuet dausa bangga hana pat...

Sang sang loen hebat bak rakan dum na...

Oh tapeugot timphan rasa cukop klat...

Padahai breuh leukat karoh meuraba...

Nyan wahe e rakan kajeut ta taubat...

Istigfar ju meuhat mohon ampon dausa...

Pantun Aceh ini merupakan karya dari Rizki J Muhammad, seorang anak muda yang mewujudkan rasa cintanya terhadap budaya Aceh melalui pantun. Maka atjehliterature.blogspot.com mengapresiasikan karyanya dengan mempostingkan kembali agar bisa dinikmati oleh generasi-generasi muda Aceh lainnya.